Opplev Svelgen er eit prosjekt i regi av Svelgen Opp og Fram som skal løfte fram menneska, moglegheitene og historiene som finst i bygda vår. Gjennom sosiale medium, nettside og lokalt innhald ønskjer vi å vise fram alt det gode som skjer i Svelgen, både for dei som bur her i dag og for dei som vurderer å flytte hit.
Vi ønskjer å skape større synlegheit rundt næringsliv, frivillig arbeid, arrangement, fritidstilbod og kvardagslivet i Svelgen.
Gjennom inspirerande innhald og lett tilgjengeleg informasjon ønskjer vi å styrke lokal stoltheit og gjere det enklare for nye innbyggjarar å oppdage moglegheitene som finst i Svelgen.
Opplev Svelgen er eit prosjekt bygd på menneska som bur her. Difor ønskjer vi gjerne tips, bilete, historier og innspel frå deg.
Har du teke eit flott bilete frå ein fjelltur? Veit du om eit arrangement som kjem? Har du ein idé til innhald vi bør lage?
Vi kan ikkje alltid love sol og blå himmel i Svelgen, men vi kan love at det finst noko å finne på. ☀️🌧️ Enten dagen byr på fjelltur og frisk luft, eller innevêr og tørre sko, skjer det aktivitetar for både små og store.
Sjekk kalenderen og finn noko som passar dagen, vêret og humøret. Her finn du ei oversikt over både innandørs og utandørs aktivitetar og arrangement i Svelgen.
